Estamos pensando en organizar algo para o Samaín (a maiores da típica petición de caramelos que organizan desde sempre os pequenos): quen teña gana de participar ou aportar algunha idea, que se poña en contacto con Fernando no nº 95, por favor, ou que comente aquí mesmo. Saúdos.
Categoría: celebracions
San Xoán das nenas e nenos
Contra o previsto, onte finalmente houbo cacharela, e incluso unha mesiña con bebidas e piscolabis… grazas ás nenas e nenos de Augas Mansas, aos que non lles debeu parecer de recibo unha noite de San Xoán sen lume nin pinchos nin xuntanzas, e organizaron improvisadamente todo pola súa conta. Bravo!
Sen sardiñada 2016
Non asistiu xente suficiente á reunión convocada o luns pasado para organizar a sardiñada deste ano, de maneira que non se celebrará. E os inchables quedan pospostos ate novo aviso, en vista da previsión do tempo (“haberá precipitacións o xoves pola tarde, que poderán ser treboentas”).
Festeo 2016
O Concello de Teo presenta o programa da primeira edición do Festeo, unha xornada de festa, actividades e convivencia aberta á participación de todos os veciños e veciñas e tamén de persoas de fóra do municipio. A celebración terá lugar o domingo 5 de xuño na Carballeira de Francos (ver mapa de abaixo; está no centro), a partir do mediodía, e outórgalle un protagonismo especial ao tecido asociativo de Teo.
Haberá exhibicións, obradoiros, roteiros, teatro, música… toda a información en http://teo.gal/actualidade/nova.php?id=1735&lg=gal
Día internacional da muller
Desde o concello envíannos o cartel coas actividades de celebración do día das mulleres:
A estas actividades hai que engadir a estrea da obra do grupo de teatro do instituto de Cacheiras que se fará no local sociocultural da Ramallosa o día 17 de marzo ás 20.00 horas.
Programación do San Martiño 2015
Na web do Concello pode lerse a programación de actividades para celebrar o San Martiño, que comeza cun roteiro para coñecer o entorno de Francos este día 8 de novembro.
Feira da Terra
Recibimos este convite da Asociación de Veciñ@s Carballeira de San Martiño:
Boa tarde compañeir@s!!
Dende a AAVV Carballeira do San Martiño é un orgullo para nós convidarvos á Feira da Terra que se celebrará o día 28 de xuño, dende as 11:00 horas na ancestral Carballeira do San Martiño (Rúa de Francos-Calo-Teo).
Nesta feira daranse cita agricultores, gandeir@s, viticultores, artes@ns… que, ao longo de todo o día, expoñerán os seus produtos ecolóxicos e/ou artesanais e na que contaremos con diferentes actividades de animación ao longo do día.
Axuntamos o cartel para que vexades todas as actividades e actuacións que se sucederán ao longo do día. Rogamos a máxima difusión entre os vosos asociados e sobre todo esperamos a vosa compañía neste día.
Un saúdo,
A Comisión da Feira da Terra
AAVV Carballeira do San Martiño
Fotos San Xoán 2013
Xa subimos as fotos da festa de San Xoán. Se tedes algunha máis e quederes que a incorporemos á galería, escribide a augasmansas arroba gmail.com.
Campaña de recollida de xoguetes para o Nadal
Este ano máis ca nunca, moitos nenos e nenas van ter moi difícil recibir un agasallo durante o Nadal. O Concello de Teo e máis Preotección Civil organizan unha campaña de recollida de xoguetes para os cativos e cativas das familias menos favorecidas das nosas vilas e lugares.
Trátase de entregar aqueles xoguetes que sendo novos ou que estean en bo estado, os nosos fillos non precisen ou non queiran, e doalos para que se repartan entre aquel*s que doutro xeito non terían ningún.
A recollida realizarase durante estes horarios:
Luns, mércores e venres de 20:30 a 21:30
Os xoves de 19:00 a 20:00
Lugar: Local da Asociación de Veciños Baiuca (Solláns)
Grazas anticipadas pola vosa colaboración. Agora, a ilusión de moitos cativos e cativas É COUSA DE TOD*S.
Fotos do San Xoán 2012
Casi esquecemos poñelas. Aquí están as fotos da sardiñada deste ano.
Augas Mansas 